योगारुढं परं शान्तं सौम्यरुपं गुणाकरम् ।
प्रणमाम्यतुलानन्दं चैतन्याहित चेतसम् ॥ 1
सर्वशास्त्रार्थनिष्णातं विप्रकुलसमुद्भवम् ।
प्रणमाम्यतुलानन्दं तपोरूपं परं गुरुम् ॥2
गीतागोविंदगंगानां गवां संपूजने रतम्।
प्रणमाम्यतुलानन्दं लोकवन्द्यं महागुरुम् ॥3
अज्ञानध्वांतविध्वंसप्रचंडमतिभास्करम् ।
प्रणमाम्यतुलानन्दं ज्ञानरूपं परं गुरुम् ॥ 4
हर्षामर्षविनिर्मुक्तं धृतकाषायवाससम् ।
प्रणमाम्यतुलानन्दं प्रातःपूज्यं तपोधनम् ॥ 5
श्रुतिसिद्धांतज्ञातारं निजानंदात्मकं परम्।
प्रणमाम्यतुलानन्दं शिवरूपं परं गुरुम् ॥ 6
निर्द्वन्दं वै सदानन्दं मुक्तप्रपंचपंजरम्।
प्रणमाम्यतुलानन्दं विष्णुरुपं महागुरुम् ॥ 7
आत्मानात्मविवेकिनं ज्ञानविज्ञानसंज्ञितम्।
प्रणमाम्यतुलानन्दं ब्रह्मरुपं परं गुरुम् ॥ 8
अष्ठश्लोकी स्तुतिरेषा पुण्यानन्दविवर्धिनी ।
विरचिता ह्यनंतेन गुरुदेवप्रसादतः ॥
No comments:
Post a Comment